បន្ទាយមានជ័យ: លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក ហ៊ឹល រ៉ាយ៉ា អភិបាលក្រុងសិរីសោភ័ណ បាននាំយកអំណោយស្បៀង ទៅចែកជូនពលរដ្ឋចំនួន៣២៤គ្រួសារ ស្ថិតនៅ "តំបន់ក្រហម" តំបន់បិទខ្ទប់នៅភូមិពង្រ សង្កាត់កំពង់ស្វាយ ភូមិសាស្រ្តក្រុងសិរីសោភ័ណ។

ក្នុងឱកាសនោះលោក អ៊ុំ រាត្រី ក៏បានលើកឡើងថាក្នុងដំណាក់កាលនៃការបិទខ្ទប់នេះសូមបងប្អូនចូលរួមថែរក្សាសុខភាពឲ្យបានល្អ ត្រូវអនុវត្តឲ្យបានខ្ជាប់ខ្ជួននូវិធានការសុខាភិបាលក្នុងពេលធ្វើចត្តាឡីស័ក។ ជាមួយគ្នានោះដោយមានការគិតគូរពីសុខទុកបងប្អូនពលរដ្ឋ សម្តេចតេជោនាយករដ្ឋមន្ត្រី តែងតែចាត់ក្រុមការងារនាំយកអំណោយមកចែកជូនដល់បងប្អូនពលរដ្ឋ សម្រាបដោះស្រាយបញ្ហាប្រចាំថ្ងៃពិសេសក្នុងដំណាកកាលនៃការរីករាលដាលជំងឺកូវីដ-១៩។ ជាមួយគ្នានោះលោកបានលើកឡើងថាក្នុងនាមថ្នាក់ដឹកនាំ ពិសេសសម្តេចមិនដែលទុកបងប្អូនណាម្នាក់ចោលឡើយ សម្តេចតែងតែរួមសុខ រួមទុក្ខជាមួយបងប្អូនទោះក្នុងដំណាក់កាលណាក៏ដោយ។ មួយវិញទៀតបើសិនបងប្អូនជួបបញ្ហាខ្វះខាតស្បៀងក្នុងកំឡុងពេលធ្វើចត្តាឡីស័ក ពិសេសនៅក្នុងតំបន់ហាមឃាត់ សូមទាក់ទង់ទៅអាជ្ញាធរដើម្បីធ្វើកាដោះស្រាយជូនឲ្យបានទាន់ពេលវេលា៕